Privat leige

GARD MED UTSIKT

Skåri Høgdegard ligg 225 m.o.h. på ei fjellhylle med vakkert utsyn mot Mørkridsdalen, Skjolden, fjella og fjorden. Vi ligg innerst i verdens lengste og djupaste fjord og er omkransa av nasjonalparkar, brear og flotte fossefall. 

Vi tilbyr privat leige av ein middelaldergard med fullpensjon og aktivitetar for 2-14 personar i minimum 2 døgn. 

ROM MED EI HISTORIE

Alle rom har komfortable senger og hyggeleg atmosfære,  i bondestil med vakkert interiør. Vi har 9 rom i dei fire husa som blir nytta som gjesterom.

DITT EIGE BADEHUS

Du og dine disponerar eit eige badehus som ligg midt i tunet på garden. Her er det 5 dusjrom, 4 toalett, jacuzzi og sauna. Tårnhuset har også toalett og dusj og utanfor ligg terrassen med vedfyrt badestamp.

ØKOLOGISK TRADISJONSMAT OG DRIKKE

Skåri er ein økologisk gard som nyttar eigne dyr og avling frå kjøkkenhagen når vi lagar måltida til gjestene.  Når det er tid for mat så samlast vi ofte i Tårnhuset. Enkelte måltid blir servert i Røykstova, i Geitefjøsen eller på grillplassen.  

UTFORSK OMRÅDET MED OSS

På garden har vi tilbod om fleire ulike aktivitetar for små og store. Vi legg til rette for flotte turar i naturen omkring oss og til velkjende attraksjonar i området. 

Dagsbesøk

Dersom vi har ledig kapasitet, kan vi enkelte gonger ta på oss dagsbesøk. Det produktet vi da kan tilby er omvisning med påfølgjande lunsj. Ta kontakt med oss på e-post for tilbod. 


Obs! Vi held alltid ope for spontane rombestillingar og kan aldri stadfeste dagsbesøk i god tid på førehand.


Skåri ligg midt i eit populært kulturlandskap. Vi har dessverre ikkje noko tilbod til alle dei som er på tur i området og ønskjer å gå gjennom garden for å sjå. 


Skåri er ein privat gard med privat veg og som vår gjest blir du verna om på alle måtar.