Romma

Stillheita på garden - eit lite under i seg sjølv.

Soveromma på garden har unike møblar i bondestil frå tidsepokane rundt middelalderen. I middelalderen var som oftast møblane tunge, gjerne laga i eik og hadde utskjæringar i drake- eller slangeliknande motiv. Romma på garden har ulike stilar, kvar for seg. Sjå foto frå nokre av romma underst.

Vi tilbyr gjestene vår 9 rom i 4 ulike hus. 

I andre etasje i Tårnhuset har vi 2 dobbeltrom og 3 enkeltrom, det eine med utgang til romsleg veranda med utsikt mot Breheimen Nasjonalpark. I første etasje ligg toalett og dusj, daglegstove, spisestove og kjøkken.

Løa er rommet som ligg litt skjerma til i høve dei andre, perfekt for dei som er på bryllupsreise. Eit koseleg rom med eventyrseng og eigen veranda med fantastisk fjordutsikt. Vegg i vegg ligg høyløa, der turrhøyet sørger for ei frisk duft av turka gras. 

På sengeloftet er det to dobbeltrom og i Drengestova er det eit dobbeltrom. Inngangen til Drengestova ligg 3 meter frå inngangen til Badehuset, så her er det kort veg til ditt eige bad.

Når det gjeld komfort, så er ikkje Skåri gammaldags. Her har vi moderne og komfortable kvalitetsmadrasser, luftige dyner og puter med dunfjærer. Enkelte rom har tempur madrasser som formar seg etter kroppen. Hjå oss skal du sove godt og nyte opphaldet både dag og natt. 

Badehuset ligg midt på garden. Her finn du fem dusjrom og fire toalett, sauna og jacuzzi i tillegg til badekåper, tøfler og diverse utstyr til alle gjester.  Alt er moderne og flisbelagt, men med ein liten touch av det gamle.